Krijimtaria

SUMBULLA POETIKE

1077
0

Cikël poetik nga Jorgo Telo

1.NË PAÇIM

(Mendësi femre)

 

Mund të jem e jotja

një ditë

si flladitja në behar

apo

si prushi në janar.

Shoqi-shoqin në paçim

si drita në sy,

pendesë nuk do kemi

kurrsesi.

 

2. LODRA NË QIELL

 

Në ekran të qiellit

mblidhen e hapen retë.

Sa shfaqet Venera,

zhduket një Kometë.

3. HAPUR

 

Eja, eja, kapma llërën!

Mos më lër

në cak vetmie!

N’gjoksin tënd më ke

të tërën…

Tok të bredhim

nëpër yje.

4.FRYMËMARRJE

 

Për të mos e ndjerë

fillikat

veten,

e gjitha një ditë

do të të jepem…

Duke “firmosur”

ardhmërinë;

në frymë të shoqi-shoqit

do marrim frymë…

 

5. TI, BILBIL!

Ti, bilbil, që rri mbi ftua,

Bilbileshës çfarë ì flet?

Ziliqare

më bën mua.

E kam mikun në kurbet…

 

 

6. SHTËLLUNGËZA

Mos e larë je me qumësht,
moj shtëllungëza e bardhë?
Syri y yt (me punë, pa punë)
po djeg sytë kureshtarë.

Mos e hiq vellon, se ì çmende,
ì tërbove ç’janë përreth.
Shpejt një cohë hidhiu llërëve.
Shih, si “bletët” po i mbledh…!

Vur një tufëzë me lule
ashtu kot atje mbi gjoks
T’gjorëve djem zemrën ua shkule.
Mos ì digj të shkretët, mos…!

Moj shtëllungëza plot dritë,
po ku ishe gjer tani?
Si ì fshehe qafën, gjinjtë,
gjersa u bëre nuse ti?

O ik larg nga lagjia jonë
e ta mbledhin mendjen djemtë;
o shëmtohu , sa s’ësht’ vonë,
se sëmure dhe ne pleqtë!

 

  7. MOJ E VOGËL BALLËDRITË!

Moj e vogël ballëdritë,
Pse, moj, pse po m’ì ngul sytë?
Ç’ì trazove me të mitë
Si në blu si të jeshiltë.

Oh, e di, moj lodërtare;
Me vështrime

më ngordh fare.
Tëpkën si një magjistare
Zemrës m’iu bëre pjesëtare…

 

 

8. EH, TA DIJE!

Eh, ta dije, ëndrra ime,

si më vjen e si më ikën…!

Dhe më tepër do të rrije

nën çarçaf, pa ndezur dritën…

 

Eh, ta dije, mikja ime,

sa jam lodhur me ngarendje…!

Nëpër diell, nëpër hije

dot s’të gjeja, ku mërzeje…

 

Eh, ta dije, shpresa ime,

sa për ty kam vrarë kohën…

Nuk do hidhje pëshprime,

kur zëplot

të “zgjonim” botën…

 

Eh, ta dije, faqepjeshkë,

si jam tretur veç në heshtje…

Zemrat tona porsi eshkë

prisnin vetëm rast për shkrepje….!

 

9. SIKUR

 

Siku të mos qante hidhur

shpirti ynë,

Sikur të mos ì lajmë sytë

me kokrra loti;

Sikur të mos mbetej brymë

mbi blerim;

Kështu do rreknim

të na shkonte moti…

 

10. DËSHMITARËT

 

T’ì hedhim matanë

dhimbjet e kota.

Të grishim

më të ëmbëlat

psherëtima.

Për ne të dy

qofshin dëshmitarë

qielli dhe toka.

11. DHURATË

 

Mblodha këngë

kanarinash.

Ndolla ngjyrat e ylberit

dhe aromë trëndafilash.

Po t’ì nis me flatra…

Merri!

12. NË TRI KOHË

(Mendesi vajze)

 

Do të quhesha mëkatare

në tri kohë:

Edhe kur të t’ì kundërshtoja

Prerazi

dëshirat.

Edhe po të të dorëzohesha

pa përfillur ndjesirat…

Edhe… të heshtja fare…

Tri herë mëkatare.

LEAVE A REPLY

Please enter your comment!
Please enter your name here